Xalq deputatlari Boyovut tumani Kengashi kotibiyatining 2026-yil 14-sentyabrga mo‘ljallangan ish rejasiga asosan, tuman deputati A.Odilovga biriktirilgan “Manfaatlar to‘qnashuvi to‘g‘risida”gi Qonun ijrosini ta’minlash holati yuzasidan Boyovut tumani Maktabgacha va maktab ta’limi bo‘limida o‘rganish o‘tkazildi.

O‘rganish davomida bo‘limdagi mavjud shtat birliklari, xodimlarning tarkibi, ma’lumoti hamda mehnat munosabatlari bilan bog‘liq holatlar ko‘rib chiqildi.

Aniqlanishicha, Boyovut tumani Maktabgacha va maktab ta’limi bo‘limida jami 69 ta shtat birligi mavjud.
Shundan:
🔵19 nafar bo‘lim apparati xodimlarining barchasi oliy ma’lumotli;
🔵24 nafar markazlashgan moliya-buxgalteriya xizmati xodimlaridan 7 nafari oliy ma’lumotli, 3 nafari tugallanmagan oliy ma’lumotli, 13 nafari o‘rta maxsus ma’lumotli. Mazkur yo‘nalishda 1 ta bosh hisobchi shtat birligi vakant;
🔵26 nafar maxsus ekspluatatsiya xizmati xodimlaridan 4 nafari oliy, 13 nafari o‘rta maxsus, 7 nafari o‘rta ma’lumotli. Mazkur xizmatda 1 ta haydovchi shtat birligi vakant ekani ma’lum bo‘ldi.

O‘rganish jarayonida xodimlarning mehnat faoliyati hamda ular o‘rtasidagi xizmat munosabatlari O‘zbekiston Respublikasi Mehnat kodeksining 121-moddasi talablari asosida ko‘rib chiqildi.

O‘rganish natijalariga ko‘ra, Boyovut tumani Maktabgacha va maktab ta’limi bo‘limida “Manfaatlar to‘qnashuvi to‘g‘risida”gi Qonun ijrosi hamda Mehnat kodeksining 121-moddasi talablari buzilishiga oid holatlar aniqlanmadi.

Mazkur yo‘nalishdagi deputatlik nazorati doirasida qonun hujjatlarida belgilangan talablarning amalda bajarilishi, manfaatlar to‘qnashuvining oldini olish hamda xodimlarning mehnat faoliyatida qonuniylikni ta’minlash masalalari monitoring qilib boriladi.