DUOBA MFYDA BANDLIK VA KAMBAG‘ALLIKNI QISQARTIRISH BO‘YICHA O‘RGANISH O‘TKAZILDI

Xalq deputatlari tuman Kengashi kotibiyati mudiri O‘.Murodov va 11-sonli “Qo‘rg‘oncha” saylov okrugi deputati Y.Aliyev tomonidan Duoba MFYda aholi bandligini ta’minlash, kambag‘allikni qisqartirish hamda oilalarni tadbirkorlikka jalb etish borasida amalga oshirilayotgan ishlar o‘rganildi.

O‘rganish davomida 2026 yilda “Har bir oila — tadbirkor” dasturi doirasida 8 ta ishsiz va kambag‘al oila a’zolariga bog‘dorchilik va chorvachilik yo‘nalishlarida 137 mln so‘m kredit mablag‘lari ajratilgani ma’lum bo‘ldi.

Shuningdek, “Davlat ta’minotidagi oilalar” dasturi doirasida 1 ta oilaga chorvachilik yo‘nalishida 30,9 mln so‘m kredit ajratilgan.

📊 Yil boshidan buyon:
🔹 35 nafar ishsiz fuqaro doimiy va mavsumiy ish o‘rinlariga joylashtirildi;
🔹 57 nafar ishsiz fuqaro o‘zini o‘zi band qildi;
🔹 8 nafar kambag‘al oila a’zolari va “Ayollar daftari”da turuvchi xotin-qizlar kasb-hunarga o‘qitildi;
🔹 9 nafar kambag‘al oila a’zolariga urug‘lik va ko‘chatlar xarid qilish uchun BHMning 3 baravarigacha miqdorda subsidiya ajratildi.

O‘rganish yakunida amalga oshirilayotgan ishlar samaradorligini oshirish, fuqarolarning bandligini ta’minlash va kambag‘al oilalar daromadlarini ko‘paytirish bo‘yicha mas’ullarga tegishli tavsiyalar berildi.