“YOSHLIK” MAHALLASIDA O‘RGANISH ISHLARI DAVOM ETTIRILMOQDA

Xalq deputatlari Navoiy shahar Kengashi deputati Dilmurod Ergashev hamda Kotibiyat bosh mutaxassisi Muborak Astanova tomonidan mahallalarda amalga oshirilayotgan ishlarni o‘rganish jarayonlari “Yoshlik” mahallasida davom ettirilmoqda.

🤝 O‘rganish davomida mahalla mutasaddilari bilan uchrashuv o‘tkazilib, hududda belgilangan vazifalarning ijrosi, amalga oshirilayotgan ishlarning natijadorligi hamda mavjud muammolar yuzasidan fikr almashildi.

🔎 Shuningdek, xatlov ishlarining borishi, ularning sifatli va belgilangan talablar asosida tashkil etilishi hamda aniqlanayotgan masalalarni o‘z vaqtida hal etish choralariga alohida e’tibor qaratildi.

📊 O‘rganish jarayonida mahalladagi mavjud holat tahlil qilinib, belgilangan vazifalar ijrosini ta’minlash, aniqlangan kamchiliklarni bartaraf etish va ishlar samaradorligini oshirish yuzasidan mas’ullarga tegishli tavsiyalar berildi.

Huquqiy asos: O‘zbekiston Respublikasining “Mahalliy davlat hokimiyati to‘g‘risida”gi 913-XII-son Qonuni mahalliy davlat hokimiyati vakillik organlari — xalq deputatlari Kengashlarining hududni ijtimoiy-iqtisodiy rivojlantirishga oid masalalarni ko‘rib chiqish va o‘z vakolatlari doirasida nazoratni amalga oshirish bo‘yicha vakolatlarini belgilaydi.

🌿 Hududlarda amalga oshirilayotgan ishlarni joyiga chiqib o‘rganish — mavjud muammolarni aniqlash, ularning yechimini belgilash va aholi manfaatlarini ta’minlashga xizmat qiladi.

🏛 Xalq deputatlari Navoiy shahar Kengashi kotibiyati