Fuqarolarning murojaat va takliflarini o‘rganish, aholini qiynayotgan muammolarni joyida aniqlash va ularning yechimini ta’minlash — xalq deputatlari Kengashi deputatlarining muhim vazifalaridan biridir.
⚡️Shu maqsadda Xalq deputatlari Jondor tumani Kengashi deputati I. Xolov tomonidan Zarafshon MFY Xalqobod ko‘chasida istiqomat qiluvchi aholining elektr energiyasi ta’minoti bilan bog‘liq muammosi o‘rganildi.
⚡️O‘rganishlar davomida mazkur hududda elektr energiyasi ta’minotida yuzaga kelayotgan muammolar aholi uchun qator noqulayliklarni keltirib chiqarayotgani aniqlandi.
⚡️Mazkur masalani ijobiy hal etish, hududda elektr ta’minoti barqarorligini ta’minlash hamda mavjud kamchiliklarni bartaraf etish maqsadida deputat I. Xolov tomonidan tuman elektr ta’minoti korxonasi rahbari O. Usmonov nomiga deputatlik so‘rovi yuborildi.
⚡️Deputatlik so‘rovida Xalqobod ko‘chasidagi elektr ta’minoti bilan bog‘liq muammolarni o‘rganish va ularni bartaraf etish bo‘yicha amaliy choralar ko‘rish so‘raldi.
⚡️Mazkur masalaning ijobiy hal etilishi hudud aholisining elektr energiyasiga bo‘lgan ehtiyojini yanada sifatli qondirish, ta’minot barqarorligini ta’minlash va fuqarolarning kundalik turmush sharoitini yaxshilashga xizmat qiladi.
⚡️Xalq deputatlari Jondor tumani Kengashi deputatlari tomonidan aholi murojaatlariga e’tibor qaratish, mavjud muammolarni mas’ul tashkilotlar bilan hamkorlikda hal etish ishlari izchil davom ettirilmoqda.