#24_TAVSIYA_IJROSI

IBRAT MAHALLASIDA KAMBAG‘ALLIKNI QISQARTIRISH VA HOKIM YORDAMCHISI FAOLIYATI O‘RGANILDI

🏛 Xalq deputatlari Farg‘ona shahar Kengashi Kotibiyati bosh mutaxassisi O.Mirzakarimov “Ibrat” mahalla fuqarolar yig‘inida bo‘lib, navbatdagi o‘rganish ishlarini o‘tkazdi.
🔹 O‘rganishlar Mahalliy Kengash deputatlari faoliyatining eng muhim yo‘nalishlari bo‘yicha ishlab chiqilgan 24 talik tavsiyalar ijrosini ta’minlash hamda hududdagi dolzarb ijtimoiy-iqtisodiy masalalarni hal etish maqsadida tashkil etildi.
🔹 Jarayonda mahalla Hokim yordamchisi tomonidan amalga oshirilayotgan ishlar samaradorligi, xususan, aholini kambag‘allikdan chiqarish, ularning bandligini ta’minlash va reabilitatsiya qilish choralarining borishi atroflicha tahlil qilindi.
🔹 Tahlillar shuni ko‘rsatdiki, bugungi kunda “Ibrat” mahallasi bo‘yicha kambag‘allik reestrida poydevor sifatida 35 ta oila ro‘yxatga olingan bo‘lib, ularning toifalari quyidagicha ajratilgan:
18 ta — bevosita kambag‘al oilalar;
4 ta — kambag‘allik chegarasidagi oilalar;
13 ta — davlat ta’minotida bo‘lgan oilalar.
🔹 Muloqot davomida ushbu oilalarni toifalari bo‘yicha manzilli qo‘llab-quvvatlash, ularga munosib mehnat sharoitlarini yaratish va doimiy daromad manbalariga ega qilish borasida Hokim yordamchisi va mahalla “yettiligi”ga tegishli tavsiya hamda amaliy ko‘rsatmalar berildi.
Ijro monitoringi shahar Kengashi Kotibiyati nazoratiga olindi.

Xalq deputatlari Farg‘ona shahar Kengashi

✅ Telegram |✅ Facebook | 📹 YouTube | 🌐 Instagram |🇺🇿 E-kengash.uz