Humo mahallasidagi maktabgacha ta’lim muassasalarida oziq-ovqat mahsulotlarini saqlash holati o‘rganildi

Xalq deputatlari Navoiy shahar Kengashi deputati Xudayqulova Nargiza G‘aybullaevna hamda belgilangan reja-grafikka muvofiq Xalq deputatlari Navoiy shahar Kengashi kotibiyatining bosh mutaxassisi Muborak Astanova tomonidan Navoiy shahar Humo mahallasi hududida joylashgan maktabgacha ta’lim muassasalarida o‘rganish ishlari olib borildi.

O‘rganish jarayonida yozning issiq kunlarida oziq-ovqat mahsulotlarini saqlash sharoitlari, sanitariya-gigiyena talablariga rioya etilishi, sovutish uskunalarining texnik holati hamda mahsulotlarning yaroqlilik muddatlariga rioya qilinishi atroflicha o‘rganildi.

Shuningdek, oziq-ovqat mahsulotlarini sifatli saqlash va bolalar salomatligini muhofaza qilish bo‘yicha amalga oshirilayotgan ishlar ko‘zdan kechirildi.
O‘rganish yakunlari bo‘yicha mas’ullarga amaldagi sanitariya-gigiyena talablariga qat’iy rioya etish, oziq-ovqat mahsulotlarini belgilangan tartibda saqlash hamda mavjud kamchiliklarni o‘z vaqtida bartaraf etish yuzasidan tegishli tavsiya va tushuntirishlar berildi.

Xalq deputatlari Navoiy shahar Kengashi tomonidan ijtimoiy soha obyektlari faoliyatini o‘rganish, ularda sanitariya-gigiyena talablariga rioya etilishi ustidan jamoatchilik va deputatlik nazoratini kuchaytirishga qaratilgan ishlar izchil davom ettirilmoqda.