Uchrashuvdan ko‘zlangan asosiy maqsad — mahallada mavjud ijtimoiy muammolarni joyida o‘rganish, fuqarolar murojaatlarini bevosita tinglash hamda ularning yechimi bo‘yicha amaliy choralarni belgilab olishdan iborat bo‘ldi.

 Qabulda Kengash raisi Sh.Umarxodjayeva va tuman Kengashi deputatlari, mahalla “yettiligi” xodimlari hamda faollar ishtirok etdi. Muloqot davomida mahalla hududida kuzatuv kameralarini o‘rnatish, 233-sonli umumta'lim maktab qarshisida “Yuqori tezlik cheklangan” va 30 belgisi o‘rnatilishi; uy-joyga subsidiya masalasi va kommunal xizmatlar sifati, ko‘p qavatli uylarning tom qismini qayta ta'mirlash, elektr TP qayta ta'mirlash, ijtimoiy himoyaga muhtoj oilalarga ko‘rsatilayotgan yordamlar, bandlik masalalari hamda yoshlar va "Ayollar daftari"ga ro‘yxatga olish xotin-qizlar bilan ishlash yo‘nalishlari yuzasidan fikr-mulohazalar bildirildi.

 Deputatlar tomonidan fuqarolarning murojaatlari diqqat bilan tinglanib, har bir masala yuzasidan amaldagi qonunchilik doirasida tushuntirishlar berildi hamda tegishli tashkilotlarga deputatlik so‘rovlari yuborilishi ma’lum qilindi.

️Shuningdek, Kengash raisining maqsadi – 2026 yilga mo‘ljallangan ishlarni tizimli rejalashtirish, mahalla yetakchilari bilan hamkorlikni kuchaytirish va mahalliy ijtimoiy-iqtisodiy rivojlanishni ta’minlash bo‘ldi. Shuningdek, uchrashuvda jamoatchilik bilan ochiq muloqot va tashabbuslarni amalga oshirishdagi nazorat mexanizmlari ham muhokama qilindi. Natijada, uchrashuv mahallada 2026-yil rejalari bo‘yicha ishlarni aniq va samarali yo‘lga qo‘yishga xizmat qiluvchi tavsiyalar bilan yakunlandi.

 Uchrashuv davomida deputatlar aholi bilan muntazam muloqot olib borish, joylarda mavjud muammolarni aniqlash va ularning yechimi yuzasidan tizimli ish olib borish xalq vakillarining ustuvor vazifalaridan biri ekanini ta’kidladilar.