Zomin Tuman Kengashi deputati L.Mustafakulova mahalla yoshlar yetakchisi bilan birgalikda umumta’lim maktabida yoshlar bilan uchrashuv o‘tkazdi. 

Uchrashuv davomida maktab o‘quvchilari bilan ochiq muloqot tashkil etilib, ularning qiziqishlari, taklif va tashabbuslari tinglandi. Yoshlarning ta’lim olishi, sport bilan shug‘ullanishi hamda bo‘sh vaqtini mazmunli tashkil etish masalalariga alohida e’tibor qaratildi.

Shuningdek, maktabning sport zallari holati ko‘zdan kechirilib, o‘quvchilar uchun yaratilgan shart-sharoitlar bilan yaqindan tanishildi. Sport inshootlaridan samarali foydalanish, yoshlarni turli sport to‘garaklariga keng jalb etish masalalari yuzasidan ham fikr almashildi.

Uchrashuv yakunida yoshlarning bo‘sh vaqtini mazmunli tashkil etish, ularni sog‘lom turmush tarziga yo‘naltirish hamda iqtidorli yoshlarni qo‘llab-quvvatlash bo‘yicha kelgusida amalga oshiriladigan ishlar muhokama qilindi.