Xalq deputatlari Sherobod tumani Kengashining 9-G‘o‘rin Xakimobod saylov okrugidan saylangan deputati Y. Shoymanov tomonidan “Xakimobod” mahallasi hududida joylashgan 20-sonli umumta’lim maktabida deputatlik nazorati tadbiri o‘tkazildi.

Nazorat jarayonida maktabning sport zali, undagi sport anjomlari hamda ularning texnik holati atroflicha ko‘zdan kechirildi. Mavjud sharoitlar va jihozlarning foydalanish holati yuzasidan tegishli tahlillar olib borildi.

Shuningdek, maktab kutubxonasi faoliyati, kitob fondining holati, o‘quvchilarning darslik va badiiy adabiyotlar bilan ta’minlanganlik darajasi hamda kutubxonadan samarali foydalanish imkoniyatlari o‘rganildi.

O‘rganishlar yakunida aniqlangan kamchiliklarni bartaraf etish, mavjud sharoitlarni yanada yaxshilash hamda o‘quvchilar uchun qulay va sifatli ta’lim muhitini yaratish bo‘yicha tegishli mas’ullarga aniq tavsiya va ko‘rsatmalar berildi.

Slide 1 of 4