🔰#munosabat

♻️Ona tabiat — mehr va ehtiromga munosib bebaho ne’mat

🇺🇿Saida Mirziyoyevaning Ashxobod shahrida bo‘lib o‘tgan «ONA. Ona tabiat» san’at ko‘rgazmasi haqidagi taassurotlari tabiatni asrash, unga mehr va g‘amxo‘rlik bilan munosabatda bo‘lish naqadar muhim ekanini yana bir bor eslatadi.

🏦Deputat sifatida ta’kidlamoqchimanki, tabiatni asrash — nafaqat bugungi kun, balki kelajak avlodlar oldidagi mas’uliyatimizdir. Ona tabiat ham mehrga, e’tiborga va doimiy g‘amxo‘rlikka muhtoj. Daraxt ekish, yashil hududlarni ko‘paytirish, suvni tejash va atrof-muhitni ozoda saqlash har birimizning kundalik burchimizga aylanishi lozim.

🏦Ayniqsa, farzandlarimiz qalbida tabiatga muhabbat, atrof-muhitga hurmat va ekologik mas’uliyat tuyg‘ularini shakllantirish muhimdir. Zero, bugun ekilgan nihol ertaga soya-salqin, bugun singdirilgan ezgu qadriyat esa kelajakda mas’uliyatli avlod bo‘lib kamol topish uchun zamin yaratadi.

🏦“Yashil makon” umummilliy harakati doirasidagi tashabbuslarni qo‘llab-quvvatlash, mahallalarimizni obod va ko‘kalamzor qilish, tabiatni asrashga qaratilgan ishlarni izchil davom ettirish barchamizning vazifamizdir.

🏦Tabiatni asrash — hayotni asrash, kelajakni asrash demakdir!


Habiba Karayeva,
Xalq deputatlari Jondor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi,

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt