✅ Шымбай районында Өзбекстан Халық демократиялық партиясы дүзилгенлигиниң 35 жыллығы мүнәсибети менен «Партияға 35 жыл — 35 жаңа ағза» акциясы өткерилди.

Илажда Халық депутатлары Шымбай районлық Кеңесиндеги ӨзХДП депутатлық топары ағзасы Х.Абдижалиев, Өзбекстан ХДП Шымбай районлық Кеңеси баслығы С.Нурмамбетов ҳәм белсенди жаслар қатнасты.

♻️ Бул акциядан гөзленген тийкарғы мақсет — партияның жәмийетлик турмыстағы орны, халықтың мәплерин қорғаў бағдарындағы жумысын кең жәмийетшиликке жеткериў ҳәм белсенди пуқараларды партия қатарына кеңирек тартыўдан ибарат болды.
Илаж даўамында депутат Х.Абдижалиев партияның бағдарламалық мақсет ҳәм ўазыйпалары, атап айтқанда, халықтың социаллық қорғаўға мүтәж қатламларын қоллап-қуўатлаў, мүтәж шаңарақларға мәнзилли жәрдем көрсетиў ҳәм социаллық әдиллик принциплерин беккемлеў бағдарында әмелге асырылып атырған системалы жумысларға толық тоқтап өтти.

📌 Илаж соңында партия қатарына жаңадан қабыл етилгенлерге ағзалық гүўалықлары ҳәм естелик саўғалары тапсырылды.