Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna, 10-“Boyqozon” saylov okrugidan saylangan deputat Ermatov Alibek Xojimurotovich hamda 17-“Bo‘rsiliq” saylov okrugidan saylangan deputat Muxitdinov Xusnitdin Muxitdinovichlar tumanimizdagi “Surxi” mahallasiga tashrif buyurib, mahalla nuroniylari bilan uchrashdilar. Uchrashuv davomida bugungi kunda tumanda amalga oshirilayotgan bunyodkorlik va obodonlashtirish ishlari, aholi uchun yaratilayotgan qulayliklar hamda hududlarni yanada rivojlantirish borasida olib borilayotgan ishlar yuzasidan suhbatlashildi. Shuningdek, nuroniylarning fikr-mulohazalari tinglanib, ularning taklif va tavsiyalari kelgusidagi ishlar samaradorligini oshirishda muhim ahamiyat kasb etishi ta’kidlandi. Ular yurtimizdagi tinchlik-osoyishtalik, bunyodkorlik va ko‘rsatilayotgan e’tibor uchun o‘z shukronalik fikrlarini bildirdilar.