Xalq deputatlari Shayxontohur tuman Kengashi deputati Ikramova Shoxida Nizamiddin qizi 2026-yilning birinchi choragi yakuni boʻyicha saylovchilarga axborot berdi hamda 92-132-sonli umumta'lim maktablarida ta'lim sohasida olib borilayotgan islohatlarni o'rgandi.

Uchrashuv “Tinchlik” mahalla fuqarolar yigʻini binosida tashkil etildi. Uchrashuvda tuman Kengash Kotibiyati masʼul xodimlari va mahalla faollari ishtirok etishdi.

Deputat tomonidan uchrashuv davomida 2026-yil birinchi choragida tumanda, mahallalarda ijtimoiy-iqtisodiy sohalarda amalga amalga oshirilgan ishlar, erishilgan natijalar va kelgusidagi rejalar muhokama qilindi. 

Xususan, 2026-yil birinch choragida 3 ta aholi bilan uchrashuvlar, 4 ta fuqarolar qabullari, 1 ta ochiq muloqatlar, 2 ta xotin-qizlarni tadbirkorlikga jalb qilish, bandligini ta'minlash ishlari tashkil etilgani hamda aholidan kelib tushgan murojaatlar asosida tegishli tashkilotlarga 1 ta deputatlik soʻrovi va 1 ta murojaat chiqarilib, muammolarga ijobiy yechim topilgani haqida maʼlumot berib oʻtdi.

Shuningdek, deputatlik faoilyatining asosiy 24 ta yoʻnalishlar yaʼni, bandlik, sogʻliqni saqlash, soliq, xotin-qizlar, tadbirkorlik va aholiga koʻrsatilayotgan xizmatlar holati yuzasidan tegishli mahalla masʼullari faoliyati ham muhokama qilindi.

Bundan tashqari, deputat va mas'ullar tomonidan 92-132-sonli umumta'lim maktablarida oʻqituvchilarning pedagogik mahorati, oʻquvchilarning bilim darajasi, maktab infratuzilmasi va tarbiyaviy ishlar holati o'rganildi.

O'rganish davomida mahallada ijtimoiy sohani rivojlantirish, aholi bandligini taʼminlash, maktablarda zamonaviy oʻqitish metodlarini keng foydalanish, oʻqituvchilar malakasini muntazam oshirish, amaliy bilim va koʻnikmalarga eʼtibor qaratish va raqamli texnologiyalardan samarali foydalanish yuzasidan tavsiyalar berildi. 

Uchrashuv yakunida deputat Sh.Ikramova fuqarolarning fikr va takliflari juda muhim ekanligi va har bir murojaat eʼtibordan chetda qolmasligi hamda bilimli yoshlar jamiyatimiz taraqqiyotining asosi ekanligini taʼkidlab oʻtdi.