Xalıq wákiliniń tiykarǵı wazıypası - saylawshılardıń isenimin aqlaw hám olardıń mashqalalarına sheshim tabıw.

Xalıq deputatları Bozataw rayonlıq Keńesi sekretariat baslıǵi A.Ibragimov óz saylaw okruginde «Berdaq» máhállesi puqaraları menen ótkerilgen ushırasıwında aymaq puqaraları tárepinen aymaqta elektr energiyası kúshleniwi tómenligi hám eski transformator júklemeni kótere almay atırǵanı boyınsha múrájat kelip túsken edi.

Bul mashqala boyınsha deputat tárepinen taraw juwapkerlerine jiberilgen deputatlıq soraw óz nátiyjesin berdi. Búgin aymaqta eski transformator ornına joqarı quwatlılıqtaǵı transformator ornatıldı. Endi 55 ten aslam shańaraqlarda elektr támiynatı sapası jaqsılanadı. Óz gezeginde aymaq turǵınları hám kóshe biyleri taraw juwapkerlerine hám deputatqa óz minnetdarshılıǵin bildirip ótti.