📌 Sessiya qarori qabul qilindi

🏛 Xalq deputatlari Sherobod tumani Kengashining VII-27-106-8-119-K/26-sonli qarori qabul qilindi.

📑 Mazkur qaror O‘zbekiston Respublikasi Prezidentining Sherobod tumanidagi Xalq qabulxonasi bosh mutaxassisi J.Jo‘rayevning 2026-yilning to‘qqiz oyi yakunlari bo‘yicha aholi murojaatlari bilan ishlash holati to‘g‘risidagi axborotini hamda murojaatlarni ko‘rib chiqish va ijobiy hal etish ko‘rsatkichlari past bo‘lgan tashkilotlar mas’ullarining hisobotlarini eshitish masalasiga bag‘ishlandi.

📌 Mazkur qaror bilan aholi murojaatlari bilan ishlash holatini tahlil qilish, murojaatlarni o‘z vaqtida va sifatli ko‘rib chiqish, ularning ijobiy hal etilishiga to‘sqinlik qilayotgan muammolarni aniqlash hamda mas’ul tashkilotlar faoliyatida natijadorlikni oshirishga qaratilgan vazifalarni belgilash ko‘zda tutiladi.

🤝 Fuqarolar murojaatlari bilan samarali ishlash, aholini qiynayotgan muammolarga yechim topish va murojaatlarda ko‘tarilgan masalalarga mas’uliyat bilan yondashish davlat organlari hamda tashkilotlar faoliyatining muhim yo‘nalishlaridan biridir.

✅ Asosiy maqsad — fuqarolar murojaatlarining samarali ko‘rib chiqilishini ta’minlash, muammolarni o‘z vaqtida hal etish va aholi manfaatlarini himoya qilish.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube