Xalq deputatlari Arnasoy tuman Kengashi deputati U. Umarov tomonidan o‘z saylov okrugida joylashgan axborot-kutubxona markazi faoliyatini o‘rganish yuzasidan joyiga chiqqan holda o‘rganish ishlari olib borildi.

O‘rganish jarayonida axborot-kutubxona markazining mavjud moddiy-texnik bazasi, uning yetarlilik holati, kitob fondining shakllantirilgani, adabiyotlar to‘plamining mazmuni va xilma-xilligi hamda kitobxonlarga xizmat ko‘rsatish uchun yaratilgan sharoitlar ko‘zdan kechirildi.

Shuningdek, kutubxona fondini yangi adabiyotlar bilan boyitish, mavjud kitoblardan samarali foydalanish, kitobxonlarga ko‘rsatilayotgan xizmatlar sifatini oshirish hamda yoshlar o‘rtasida kitobxonlik madaniyatini keng targ‘ib etish masalalariga alohida e’tibor qaratildi.

Deputatlik faoliyati doirasida bunday o‘rganishlarni amalga oshirishdan asosiy maqsad — axborot-kutubxona markazlari faoliyatini yanada takomillashtirish, ularning moddiy-texnik imkoniyatlarini baholash, mavjud holatni tahlil qilish hamda aholi uchun sifatli axborot-kutubxona xizmatlarini tashkil etishga ko‘maklashishdan iborat.