Xalq deputatlari Chilonzor tumani Kengashining 15-Naqqoshlik saylov okrugi deputati Nazirov Madaminjon Ma’rufjon o‘g‘li tomonidan deputatlik faoliyati doirasida hudud aholisi tomonidan bildirilayotgan murojaat va takliflarni o‘rganish hamda ularda ko‘tarilgan masalalarning amaliy yechimini ta’minlashga alohida e’tibor qaratilmoqda.

Jumladan, fuqarolarning murojaatlari asosida Katta Do‘mbirobod mahallasi, Usmur 1-tor ko‘chasi, 18-uy yonida joylashgan bolalar maydonchasini ta’mirlash masalasi o‘rganilib, tegishli tashkilotlar bilan hamkorlikda zarur amaliy choralar ko‘rildi.

Amalga oshirilgan ishlar natijasida bolalar maydonchasi ta’mirdan chiqarilib, hududdagi bolalarning bo‘sh vaqtlarini mazmunli o‘tkazishi, xavfsiz va qulay sharoitda hordiq chiqarishi uchun yanada munosib sharoit yaratildi.

Mazkur ishlar aholi murojaatlarini o‘z vaqtida o‘rganish, hududdagi mavjud muammolarni bosqichma-bosqich bartaraf etish hamda mahallalarda qulay va obod muhitni shakllantirishga qaratilgan deputatlik faoliyatining amaliy natijalaridan biridir.

Fuqarolar murojaatlari va hududdagi dolzarb masalalarning yechimi deputat nazoratida.