Xalq deputatlari Shirin shahar Kengashi deputati N. Alimova tomonidan Farhod mahallasi hududida istiqomat qiluvchi saylovchilar bilan uchrashuv o‘tkazildi.

Uchrashuv davomida saylovchilarning murojaatlari, taklif va mulohazalari tinglandi. Fuqarolar tomonidan hududdagi mavjud muammolar yuzasidan bir qator masalalar ko‘tarildi.

Jumladan, Farhod mahallasi hududida joylashgan favvoraning hozirgi vaqtda ishlamayotgani hamda uni qayta ishga tushirish zarurligi masalasi ko‘tarildi. Saylovchilar favvorani ta’mirlash, zarur texnik ishlarni amalga oshirish va uning faoliyatini qayta yo‘lga qo‘yish orqali mahalla hududining obodonligi va ko‘rkamligini ta’minlashni so‘radilar.

Mazkur murojaat saylovchilarni ro‘yxatga olish kitobiga belgilangan tartibda qayd etildi. Muammoni tegishli mas’ul tashkilotlar bilan hamkorlikda o‘rganish hamda favvorani ishga tushirish bo‘yicha amaliy choralar ko‘rish belgilandi.