Халқ депутатлари Наманган вилояти Кенгаши     53-Бирлашган сайлов округи депутати Мақсудов Мухаммаджон Боймирзаевич 2025-йилнинг учинчи чорагида амалга оширилган ишлар бўйича сайловчиларга хисобот берди. Тадбирда Бекабод, Сохил, Боғистон  маҳаллаларининг еттилиги, махалла  фаоллари, нуронийлар ҳамда кенг жамоатчилик вакиллари иштирок этди.

Учрашув Боғистон маҳалласидаги 43-сонли мактабда ўтказилиб, учрашувда депутат томонидан ҳудудда ижтимоий-иқтисодий ривожланиш, инфратузилмани яхшилаш, аҳолининг муаммоларини ҳал этиш бўйича амалга оширилган ишлар ва келгуси режалар ҳақида атрофлича маълумот берилди.

Депутат вилоят Кенгашидаги доимий комиссия йиғилишларида ҳам мунтазам қатнашиб, туман ва вилоят миқёсидаги муҳим лойиҳаларнинг мониторингида иштирок этаётганини таъкидлади

Шунингдек депутат томонидан  2025-йил 31-октябр -1-ноябр кунлари бўлиб ўтган Ўзбекистон Республикаси Олий Мажлиси Сенатининг ўн биринчи ялпи мажлисида муҳокама этилган 14 та қонун бўйича ахолига тушунчалар берилди.

Тадбир якунида Мақсудов Мухаммаджон Боймирзаевич сайловчилар билан очиқ мулоқотларни давом эттиришини, аҳолининг муаммоларини жойида ўрганиш ва уларни амалий ечиш ҳар доим унинг фаолиятида устувор йўналиш бўлиб қолишини билдирди. маҳалла фаоллари эса депутатнинг учинчи чоракдаги фаоллигини юқори баҳолаб, кенгаш ва маҳалла ўртасидаги ҳамкорлик янада кучайишига ишонч билдиришди.