Xalq deputatlari Toyloq tumani Kengashining 2-Qo‘rg‘oncha saylov okrugi deputati Kamola Kasimova hamda tuman Kengashi kotibiyati bosh mutaxassisi Shohzod G‘afforov tomonidan fuqarolar murojaatlari ijrosi ustidan nazorat ishlari olib borilmoqda.

Avvalroq Qo‘rg‘oncha mahallasida yashovchi fuqaro Sodiqov Ilyos tomonidan bildirilgan murojaat yuzasidan belgilangan vazifalar ijrosini ta’minlash maqsadida tuman Majburiy ijro byurosi vakili Ulmasov Axmatjon jalb etilib, masala joyiga chiqqan holda ko‘rib chiqildi.

Olib borilgan amaliy ishlar natijasida fuqaroning murojaatida ko‘tarilgan masala ijobiy hal etilib, mavjud taqiqlarni bartaraf etish bo‘yicha zarur choralar ko‘rildi.

Fuqarolar murojaatlarining yechimini ta’minlash, ijrosini nazorat qilish va aholi manfaatlarini himoya qilish borasidagi ishlar izchil davom ettirilmoqda.