МАКТАБДА «ДОЛЗАРБ 90 КУН» ДОИРАСИДАГИ ТАДБИРЛАР ЎРГАНИЛДИ
Халқ депутатлари Янгиқўрғон тумани Кенгаши депутати Отабоев Фахриддин Жўрабоевич томонидан сайлов округи ҳудудида жойлашган умумтаълим мактабида «Долзарб 90 кун» дастури доирасида амалга оширилаётган тадбирлар ўрганилди.
Ўрганиш жараёнида ўқувчиларнинг ёзги таътил даврини мазмунли ташкил этиш, уларни спорт, китобхонлик, маданий-маърифий ҳамда касб-ҳунарга йўналтирилган тўгаракларга кенг жалб қилиш ҳолатига алоҳида эътибор қаратилди.
Шунингдек, мактабда ташкил этилган тўгараклар фаолияти, ўқувчилар учун яратилган шарт-шароитлар, хавфсизлик талабларига риоя қилиниши ҳамда тадбирларнинг самарадорлиги масъуллар иштирокида муҳокама қилинди.
Аниқланган камчиликларни бартараф этиш ва «Долзарб 90 кун» доирасидаги тадбирларни янада мазмунли ташкил этиш юзасидан тегишли тавсиялар берилди.