Urganch shahridagi 10-sonli umumtaʼlim maktabida yoshlarning iqtidorini yuzaga chiqarish, ularni vatanparvarlik ruhida tarbiyalash va boʻsh vaqtlarini mazmunli tashkil etishga qaratilgan “90 kunlik yoshlar tadbiri” doirasida uchrashuv tashkil etildi.

Mazkur tadbirda Xalq deputatlari Urganch shahar Kengashi deputati N.Sharipova ishtirok etib, bugungi kunda mamlakatimizda yoshlarga oid davlat siyosati darajasida koʻrsatilayotgan yuksak eʼtibor, taʼlim va sport yoʻnalishlarida yaratilayotgan keng imkoniyatlar haqida alohida toʻxtalib oʻtdi.

Uchrashuv davomida oʻquvchi-yoshlarning kelajakdagi rejalari, intilishlari hamda ularni qiziqtirayotgan masalalar yuzasidan ochiq muloqot oʻtkazildi. Deputat yoshlarning taklif va tashabbuslarini tinglab, ularni har tomonlama qoʻllab-quvvatlashga tayyorligini bildirdi.