Xalq deputatlari tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi J.Ismonova hamda viloyat Kengashi deputati G.Bobojonovalar tomonidan bozordagi narx-navolar holati o‘rganildi. O‘rganish davomida bozorda sotilayotgan oziq-ovqat mahsulotlari va kundalik ehtiyoj tovarlarining narxlari, mahsulotlar sifati hamda aholiga yaratilgan savdo sharoitlariga e’tibor qaratildi. Shuningdek, savdo jarayonida narxlarning barqarorligini ta’minlash, iste’molchilar manfaatlarini himoya qilish, mahsulotlar sifatini nazorat qilish hamda aholining kundalik ehtiyoj mahsulotlarini xarid qilish imkoniyatlarini yaxshilash masalalari muhokama qilindi. Bozorlarda narx-navoning asossiz oshib ketishining oldini olish, sog‘lom raqobat muhitini shakllantirish va aholini sifatli, hamyonbop mahsulotlar bilan ta’minlash muhim vazifalardan biridir.