Xalq deputatlari Qo‘qon shahar Kengashi Kotibiyati mudiri A.Nosirov tomonidan deputat M.Azimov saylangan “Urg‘anjibog‘” saylov okrugi hududidagi “Sumbula” mahalla fuqarolar yig‘inida o‘rganish ishlari olib borildi.

O‘rganish davomida mahalladagi hokim yordamchisi S.Rahmonaliyevning faoliyati, xususan, tadbirkorlikni rivojlantirish, aholi bandligini ta’minlash hamda fuqarolarning daromad manbalarini kengaytirish borasida amalga oshirilayotgan ishlar ko‘rib chiqildi.

O‘rganish jarayonida Habibiy ko‘chasi, 54-uyda istiqomat qiluvchi tadbirkor O.Yuldashev tomonidan yo‘lga qo‘yilgan oilaviy tadbirkorlik faoliyati bilan tanishildi. Ma’lum bo‘lishicha, tadbirkor “Sanoatqurilishbank”ning shahar filialidan 100 million so‘m kredit olib, sport mahsulotlari ishlab chiqarish faoliyatini tashkil etgan.

Ushbu tashabbus natijasida 5 ta yangi ish o‘rni yaratilgan. Bu esa mahallada oilaviy tadbirkorlikni rivojlantirish, aholini daromadli mehnat bilan band qilish va ishlab chiqarish faoliyatini kengaytirishda muhim ahamiyat kasb etadi.

O‘rganish davomida mahallada tadbirkorlik tashabbuslarini qo‘llab-quvvatlash, mavjud imkoniyatlardan samarali foydalanish va yangi ish o‘rinlarini yaratish orqali aholi bandligini ta’minlash masalalariga e’tibor qaratildi.

Xalq deputatlari Qo‘qon shahar Kengashi