Xalq deputatlari Qo‘qon shahar Kengashi deputati M.Azimov saylangan “Urg‘anjibog‘” saylov okrugi hududidagi “Sumbula” mahalla fuqarolar yig‘inida Kengash Kotibiyati mudiri A.Nosirov tomonidan aholini ijtimoiy qo‘llab-quvvatlash borasida amalga oshirilayotgan ishlar yuzasidan o‘rganish olib borildi.

O‘rganish jarayonida ijtimoiy xodim Sh.Meliboyev hamda “Madad” NNT vakili M.Toshboltayeva ishtirokida Do‘stlik ko‘chasi, 24-uyda istiqomat qiluvchi, Ijtimoiy reyestrga kiritilgan O.Ismoilova xonadoniga tashrif buyurildi.

Tashrif davomida fuqaroning ijtimoiy holati, oilasiga ko‘rsatilayotgan yordamlar va mavjud qo‘llab-quvvatlash choralari atroflicha o‘rganildi. Shuningdek, oilaning ijtimoiy ahvolini yaxshilash, mavjud muammolarni bartaraf etish hamda kelgusida Ijtimoiy reyestrdan chiqarish bo‘yicha amalga oshirilayotgan ishlar yuzasidan mas’ullar bilan fikr almashildi.

Bundan tashqari, “Madad” NNT vakili M.Toshboltayeva tomonidan fuqaroga huquqiy yordam ko‘rsatilib, uning masalalari yuzasidan tegishli huquqiy tushuntirishlar berildi.

O‘rganish davomida asosiy e’tibor fuqaroni ijtimoiy qo‘llab-quvvatlash bilan bir qatorda, uning oilaviy sharoitini yaxshilash va mustaqil ravishda barqaror hayot kechirishi uchun mavjud imkoniyatlarni aniqlashga qaratildi. 

Xalq deputatlari Qo‘qon shahar Kengashi