Xalq deputatlari tuman Kengashi deputati K.G‘oziyev o‘z saylov okrugi hududida joylashgan 11-sonli umumta’lim maktabida bo‘lib, muassasaning yangi o‘quv yiliga tayyorgarlik holati bilan tanishdi. Tashrif davomida maktabda o‘quv jarayonini yuqori saviyada tashkil etish uchun yaratilgan shart-sharoitlar, sinf xonalarining tayyorgarligi, obodonlashtirish va ko‘kalamzorlashtirish ishlari, sanitariya-gigiena talablariga rioya etilishi hamda ta’lim muassasasining mavsumga shayligi ko‘zdan kechirildi. Shuningdek, maktab rahbariyati va mas’ul xodimlar bilan suhbat davomida yangi o‘quv yilida ta’lim sifatini yanada oshirish, o‘quvchilar uchun munosib va xavfsiz muhit yaratish, mavjud muammolarni o‘z vaqtida aniqlash va bartaraf etish masalalari muhokama qilindi. Deputat ta’lim muassasasidagi mavjud shart-sharoitlarni yanada yaxshilash, aniqlangan kamchiliklarni
bartaraf etish va o‘quv yilini munosib tarzda boshlash bo‘yicha mas’ullarga tegishli tavsiyalar berdi.