O‘rganish davomida korxonada mavsumga tayyorgarlik doirasida asosiy gaz quvurlarini almashtirish, mavjud tarmoqlarni texnik jihatdan ko‘rikdan o‘tkazish hamda gaz ta’minoti tizimining barqaror ishlashini ta’minlash bo‘yicha olib borilayotgan ishlar bilan yaqindan tanishildi.

Shuningdek, kuz-qish mavsumida yuzaga kelishi mumkin bo‘lgan muammolarning oldini olish, gaz ta’minotida uzilishlarga yo‘l qo‘ymaslik hamda mavjud tarmoqlarning texnik holatini yaxshilash masalalariga alohida e’tibor qaratildi.

Mas’ullarga mavsumga tayyorgarlik ishlarini belgilangan muddatlarda va sifatli yakunlash, aniqlangan kamchiliklarni bartaraf etish hamda aholini tabiiy gaz bilan barqaror ta’minlash choralarini ko‘rish yuzasidan tegishli tavsiyalar berildi.

Kuz-qish mavsumiga puxta tayyorgarlik ko‘rish — aholi farovonligi va xonadonlarda barqarorlikni ta’minlashning muhim omilidir.