Xalq deputatlari Mirzo Ulug‘bek tumani Kengashi deputati, O‘zLiDeP a’zosi, Oydin Daniyarxodjayeva tumandagi “Sarbon” mahallasida bo‘lib, odamlarni qiynayotgan masalalarni o‘rganmoqda. Shuningdek, deputat mahalladagi oilaviy poliklinikaga bordi. Ushbu tibbiyot muassasasida amalga oshirilgan ishlarni yaqindan o‘rgandi.

O‘rganishlar davomida Oydin Daniyarxodjayeva shifokorlar bilan suhbatlashib, bugungi kunda muassasada aholi salomatligini ta’minlash uchun yaratilgan shart-sharoitlar, yuzaga kelayotgan va hal qilinishi lozim bo‘lgan muammolar haqida ham fikrlashdi.

Tibbiyot muassasasida ko‘tarilgan masalalar deputatlik nazoratiga olindi. O‘rganish davomidagi tavsiyalar bo‘yicha aniq choralar ko‘rilishi uchun tegishli davlat organlariga yuboriladi.

Ushbu o‘tkazilgan o'rganishda Kengash kotibiyati bosh mutaxassisi Gulchexra Azizova ham ishtirok etdi.