Xalq deputatlari Paxtakor tumani Kengashi deputati D.Do‘qulov tomonidan o‘z saylov okrugi hududidagi Nurli Pangat mahallasida joylashgan 14-sonli umumta’lim maktabining kuz-qish mavsumiga tayyorgarlik holati o‘rganildi.

O‘rganish davomida maktabning isitish tizimi, sport zallari, o‘quv xonalari hamda bino va inshootlarining umumiy holati ko‘zdan kechirildi.

Shuningdek, maktab hududining obodonlashtirilganlik darajasi, tozalik va ko‘kalamzorlashtirish holati ham o‘rganilib, o‘quvchilar uchun yaratilgan shart-sharoitlar ko‘rib chiqildi.

Aniqlangan masalalar yuzasidan mas’ullarga tegishli tavsiya va topshiriqlar berilib, kamchiliklarni bartaraf etish hamda ta’lim muassasasini kuz-qish mavsumiga puxta tayyorlash bo‘yicha zarur choralarni ko‘rish belgilandi.