Xalq deputatlari Qo‘qon shahar Kengashi deputati X.Nazarova tomonidan “At-Termiziy” MFY hokim yordamchisi K.Akbarovning tadbirkorlikni rivojlantirish, aholi bandligini ta’minlash va fuqarolarga berilayotgan imtiyozlardan samarali foydalanish borasida olib borayotgan ishlari o‘rganildi.

O‘rganish davomida O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi Qonunlari talablarining ijrosini ta’minlash bo‘yicha amalga oshirilayotgan ishlar holatiga alohida e’tibor qaratildi.

O‘rganish natijasida “At-Termiziy” MFYda hokim yordamchisi K.Akbarov tomonidan aholi bandligini ta’minlash va tadbirkorlik faoliyatini qo‘llab-quvvatlash borasida bir qator amaliy ishlar amalga oshirilgani ma’lum bo‘ldi:

18 nafar fuqaroning bandligi ta’minlangan;

7 nafar fuqaroga imtiyozli kredit ajratilgan;

1 nafar fuqaroga ssuda ajratilgan;

24 nafar fuqaro tadbirkorlik faoliyatiga jalb etilgan;

Kambag‘allik reyestrida turuvchi 5 nafar fuqaro vaucher asosida kasb-hunarga o‘qitilgan.

Mazkur natijalar mahallada aholining iqtisodiy faolligini oshirish, fuqarolarni tadbirkorlikka jalb etish, yangi daromad manbalarini yaratish hamda ehtiyojmand fuqarolarni qo‘llab-quvvatlash borasida muayyan ishlar amalga oshirilayotganini ko‘rsatadi.

Shuningdek, o‘rganish davomida fuqarolarning mavjud imtiyozlardan foydalanish imkoniyatlari, yo‘llanmalar ajratish mezonlari, murojaatlarni ko‘rib chiqish tartibi hamda ehtiyojmand fuqarolarga ko‘rsatilayotgan xizmatlar samaradorligini yanada oshirish masalalari yuzasidan fikr almashildi.

Xalq deputatlari Qo‘qon shahar Kengashi