Xalq deputatlari Qo‘qon shahar Kengashiga 4-“Oq oltin” saylov okrugidan saylangan deputat F.Mamajonov tomonidan o‘z hududidagi “Oq oltin” MFYda olib borilgan navbatdagi o‘rganishlar davomida aholini qiynayotgan muammolar ham atroflicha o‘rganildi.

Jumladan, Paxlavon 3-tor ko‘chasida kanalizatsiya quvurining nosoz holatga kelgani aniqlandi. Mazkur holat hudud aholisi uchun ma’lum noqulayliklarni keltirib chiqarayotgani sababli, muammoni qisqa muddatlarda bartaraf etish masalasiga alohida e’tibor qaratildi.

Deputat F.Mamajonov tashabbusi bilan tegishli mas’ul tashkilotlar bilan hamkorlikda mazkur muammoni o‘rganish hamda uni bartaraf etish bo‘yicha tegishli choralar ko‘rildi.

Kanalizatsiya tizimidagi nosozlikni bartaraf etish, quvurlarni ta’mirlash va zarur hollarda yangilash bo‘yicha amaliy ishlarni tashkil etish yuzasidan mas’ullar bilan kelishib olindi.

Mazkur masala deputat tomonidan nazoratga olinib, olib boriladigan ishlarning o‘z vaqtida va sifatli bajarilishi ta’minlanishi belgilandi.

Xalq deputatlari Qo‘qon shahar Kengashi