Xalq deputatlari Sirdaryo viloyati Kengashi kotibiyati mudiri hamda viloyat Kengashi deputatlari A. Abduraxmanov va M. Kenjayevalarning Sardoba tumaniga amalga oshirgan tashrifi davomida 13-son umumiy o‘rta ta’lim maktabining yangi o‘quv yiliga tayyorgarlik holati o‘rganildi.
O‘rganish jarayonida maktabning moddiy-texnik bazasi, hududi, o‘quv xonalari hamda o‘quvchilar uchun yaratilgan shart-sharoitlar bilan bir qatorda, jiddiy muammo ham aniqlandi.
Xususan, maktab hududida yangidan qurilgan hojatxonaning avariya holatiga kelib qolgani ma’lum bo‘ldi. Mazkur holat o‘quvchilar xavfsizligi, sanitariya-gigiyena talablari hamda ta’lim muassasasida munosib sharoitlarni ta’minlash nuqtayi nazaridan zudlik bilan choralar ko‘rishni taqozo etadi.
Aniqlangan muammo viloyat deputatlari tomonidan “Deputat daftari”ga qayd etilib, uni bartaraf etish uchun mas’ul tashkilotlarni belgilash hamda mavjud muammoning yechimini 2 oy muddatda ta’minlash bo‘yicha tegishli vazifalar belgilandi.
Shuningdek, tashrif davomida Yurtdosh mahallasida aholi tomorqalarini sug‘orish masalasi ham joyiga chiqib o‘rganildi. Mazkur yo‘nalishda mavjud muammolar, sug‘orish tizimining holati hamda aholi ehtiyojlari tahlil qilindi.
Mas’ullarga aniqlangan muammolarni bartaraf etish, obyektlarning texnik holatini chuqur o‘rganish, zarur choralarni ko‘rish hamda aholi va o‘quvchilar uchun xavfsiz, qulay va sanitariya talablariga javob beradigan sharoitlarni yaratish yuzasidan tegishli ko‘rsatmalar berildi
Mazkur masalalar deputatlik nazoratiga olindi.
Deputatlik nazorati — muammoni aniqlash bilangina cheklanmaydi. Muhimi, muammoga mas’ul belgilanib, uning aniq muddati va amaliy yechimi ta’minlanishidir.
Har bir maktabda xavfsiz va munosib sharoit — har bir bola uchun sifatli ta’lim olishning muhim garovidir.