Xalq deputatlari Qo‘qon shahar Kengashining 20-"Tulaboy" saylov okrugidan saylangan deputati O‘.Maxmudov tomonidan "Ganjiravon" mahalla fuqarolar yig‘inida navbatdagi fuqarolar qabuli o‘tkazildi.

Qabul davomida mahalla aholisining murojaatlari, ularni qiynayotgan dolzarb muammolar hamda hududni ijtimoiy-iqtisodiy rivojlantirishga oid takliflar atroflicha tinglanib, har bir murojaat bo‘yicha amaldagi qonunchilik talablaridan kelib chiqib tegishli tushuntirishlar berildi.

Xususan, qabulda bir guruh fuqarolar tomonidan "Farg‘ona suv ta’minoti" AJ Qo‘qon shahar filiali faoliyati yuzasidan murojaat bildirildi. Murojaatda ayrim iste’molchilarga haqiqatga mos kelmaydigan qarzdorliklar hisoblanayotgani, buning natijasida fuqarolar o‘rtasida e’tiroz va noqulayliklar yuzaga kelayotgani qayd etildi hamda mazkur holatga huquqiy baho berish va muammoni bartaraf etishda amaliy yordam so‘raldi.

Deputat tomonidan murojaat mazmuni batafsil o‘rganilib, masala yuzasidan vakolatli tashkilotlar bilan hamkorlikda zarur choralarni ko‘rish, holatga aniqlik kiritish hamda fuqarolarning qonuniy manfaatlarini ta’minlash bo‘yicha tegishli ishlarni amalga oshirishga kelishib olindi.

Qabul davomida fuqarolar bilan ochiq muloqot o‘tkazilib, murojaatlarni o‘z vaqtida va qonuniy asosda ko‘rib chiqish, ularning huquq va manfaatlarini himoya qilish hamda mavjud muammolarni tizimli ravishda hal etish masalalari yuzasidan fikr almashildi.

Xalq deputatlari Qo‘qon shahar Kengashi