Xalq deputatlari Qo‘qon shahar Kengashining 20-"Tulaboy" saylov okrugidan saylangan deputati O‘.Maxmudov tomonidan saylovchilar bilan o‘tkazilgan uchrashuvlar va fuqarolar qabullari davomida bildirilgan murojaatlar asosida navbatdagi deputat so‘rovi yuborildi.

Xususan, "Ganjiravon" mahalla fuqarolar yig‘ini aholisi tomonidan mahalla hududida qarovsiz hayvonlar sonining ortib borayotgani hamda bu holat fuqarolar xavfsizligi va sanitariya holatiga salbiy ta’sir ko‘rsatayotgani yuzasidan murojaatlar bildirildi.

Murojaatlarni atroflicha o‘rganish natijasida deputat tomonidan Qo‘qon shahar Obodonlashtirish boshqarmasi boshlig‘i nomiga deputat so‘rovi yuborilib, mahalla hududidagi qarovsiz hayvonlarni belgilangan tartibda ovlash, ularni saqlash va mazkur yo‘nalishda zarur chora-tadbirlarni amalga oshirish so‘raldi.

Shuningdek, mas’ul tashkilotlar tomonidan ushbu masalani amaldagi qonunchilik talablariga muvofiq hal etish, aholi murojaatlariga tezkor munosabat bildirish hamda fuqarolar uchun xavfsiz va qulay yashash muhitini ta’minlash yuzasidan zarur choralarni ko‘rish zarurligi ta’kidlandi.

Fuqarolar tomonidan ko‘tarilgan mazkur masalaning ijobiy yechim topishini ta’minlash maqsadida deputat so‘rovi ijrosi deputat nazoratiga olindi.

Xalq deputatlari Qo‘qon shahar Kengashi