Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi.

Xalq deputatlari viloyat Kengashi deputati G.Bobojonova Ulug‘nor tumanida joylashgan bolalar dam olish oromgohida bo‘lib, yozgi mavsum davomida bolalar uchun yaratilgan shart-sharoitlar hamda dam olish jarayoni bilan yaqindan tanishdi.

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

“Yashil makon” umummilliy dasturi doirasida amalga oshirilayotgan ishlar o‘rganildi

Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Liberal-demokratik partiyasidan saylangan deputat A.Kulbayev tomonidan tumanning “Dumaloq” mahallasi va avtomobil yo‘li yoqalarida ekologik barqarorlikni ta’minlash, yashil hududlar maydonini kengaytirish hamda aholi o‘rtasida ekologik madaniyatni yuksaltirishga qaratilgan “Yashil makon” umummilliy dasturi doirasida amalga oshirilayotgan ishlar holati o‘rganildi.

🔺O‘rganish davomida tumanda ko‘chat ekish, ularni parvarishlash, yashil hududlarni saqlash va kengaytirish bo‘yicha amalga oshirilayotgan chora-tadbirlar tahlil qilindi. Mas’ul tashkilotlar va mutasaddilar bilan suhbat o‘tkazilib, joriy yilda ekilishi rejalashtirilgan hamda amalda ekilgan daraxt va buta ko‘chatlari soni, ularning turlari va parvarishlash ishlari yuzasidan ma’lumotlar olindi. Shuningdek, mahalladagi texnikum va korxonalar hududlarida tashkil etilgan yashil maydonlar holati ko‘zdan kechirilib, ko‘chatlarni sug‘orish, agrotexnik tadbirlarni o‘z vaqtida amalga oshirish hamda ularning saqlanib qolish darajasiga alohida e’tibor qaratildi.

🔺O‘rganish jarayonida ayrim hududlarda ekilgan ko‘chatlarni muntazam parvarishlash, sug‘orish tizimini yaxshilash va mas’ullarning nazoratini kuchaytirish zarurligi ta’kidlandi. “Yashil makon” umummilliy dasturi doirasida belgilangan vazifalarning sifatli va samarali ijrosini ta’minlash, har bir ekilgan ko‘chatning saqlanib qolishi va hududlarning ko‘kalamzorlashtirish darajasini oshirish yuzasidan tegishli tavsiyalar berildi.

Slide 1 of 5