Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi.

Xalq deputatlari viloyat Kengashi deputati G.Bobojonova Ulug‘nor tumanida joylashgan bolalar dam olish oromgohida bo‘lib, yozgi mavsum davomida bolalar uchun yaratilgan shart-sharoitlar hamda dam olish jarayoni bilan yaqindan tanishdi.

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari Boyovut tumani Kengashi

Xalq deputatlari Boyovut tumani Kengashi tomonidan deputatlar va Kengash kotibiyati xodimlarining saylov okruglarida o‘rganishlar olib borish, aholini qiynayotgan muammolarni joyiga chiqib aniqlash hamda murojaatlar bilan ishlash samaradorligini oshirish yuzasidan berilgan topshiriqlar ijrosi doirasida navbatdagi o‘rganishlar tashkil etildi.

Jumladan, “Jismoniy va yuridik shaxslarning murojaatlari to‘g‘risida”gi O‘zbekiston Respublikasining 2017-yil 11-sentabrdagi O‘RQ–445-son Qonuni ijrosi yuzasidan Xalq deputatlari Boyovut tumani Kengashi kotibiyati mudiri X.Berdiyarova, deputat J.Raxmonqulov, hamda kotibiyat bosh mutaxassisi A.Sharopov tomonidan tuman Xalq qabulxonasiga tashrif buyurildi.

Tashrif davomida Xalq qabulxonasi mudiri bilan uchrashuv o‘tkazilib, jismoniy va yuridik shaxslarning murojaatlarini ko‘rib chiqish amaliyoti, murojaatlarning ijro holati, takroriy murojaatlarning kelib chiqish sabablari hamda ularning oldini olish bo‘yicha amalga oshirilayotgan ishlar muhokama qilindi.

Shuningdek, fuqarolarning takroriy murojaatlariga sabab bo‘layotgan muammolarni joylarda manzilli hal etish, murojaatlarni ko‘rib chiqishda idoralararo hamkorlikni kuchaytirish, har bir murojaatning sifatli va o‘z vaqtida ijrosini ta’minlash hamda saylov okruglarida aholi bilan ishlash tizimini yanada takomillashtirish yuzasidan aniq chora-tadbirlar belgilab olindi.

Slide 1 of 7