Xalq deputatlari Ulug‘nor tumani Kengashi

Yangiliklar

So‘ngi yangiliklar

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Deputat Nurobod mahallasidagi yo‘l-ta’mirlash ishlari bilan tanishdi

Xalq deputatlari Ulug‘nor tumani Kengashi deputati E.Abdullayev tomonidan Nurobod mahallasida amalga oshirilayotgan ichki yo‘llarni ta’mirlash ishlarining borishi joyiga chiqqan holda o‘rganildi. Tashrif davomida deputat qurilish ishlarining sifati, asfalt yotqizish jarayonining belgilangan me’yor va talablarga muvofiqligi hamda ishlarning o‘z vaqtida yakunlanishi yuzasidan mas’ullar va yo‘lsozlar bilan muloqot qildi. ‘rganish jarayonida yo‘lsozlar ishlarni belgilangan muddatlarda sifatli yakunlash maqsadida kunu tun mehnat
qilayotgani qayd etildi. Xususan, qurilish ishlari kechki va tungi vaqtlarda ham uzluksiz davom ettirilib, belgilangan reja asosida jadal sur’atlarda olib borilmoqda. Deputat E.Abdullaev mahalla faollari hamda fuqarolar bilan ham suhbatlashib, ularning fikr va takliflarini tingladi. Aholi tomonidan amalga oshirilayotgan obodonlashtirish ishlari ijobiy baholanib, yo‘llar ta’mirlanishi mahalla ahlining ko‘p yillik muammolaridan
biriga yechim bo‘layotgani ta’kidlandi. Tashrif yakunida deputat qurilish ishlarining sifatli va belgilangan muddatlarda yakunlanishi ustidan deputatlik nazorati izchil davom ettirilishini bildirib, mas’ullarga ish sifati
va xavfsizlik talablariga qat’iy rioya qilish yuzasidan tegishli tavsiyalar berdi. Mazkur ishlar aholi uchun munosib yashash sharoitlarini yaratish, mahallalar infratuzilmasini yanada takomillashtirish hamda hududlarda olib borilayotgan bunyodkorlik ishlari samaradorligini oshirishga xizmat qiladi.

Slide 1 of 4