Xalq deputatlari Jalaquduq tuman Kengashi deputatlari va Kengash kotibiyati xodimlari tomonidan joylardagi o‘rganishlar izchil davom ettirilmoqda. Xususan, Kengash kotibiyati mudiri, hudud deputati I.Jo‘rayev, Kengash bosh mutaxassisi, deputat Yo.Tadjibayeva hamda bosh mutaxassis M.Salibayevalar tomonidan “Tuyalas” mahalla fuqarolar yig‘inida nazorat tartibidagi o‘rganish ishlari olib borildi. O‘rganish davomida asosiy e’tibor quyidagi masalalarga qaratildi: · Kambag‘allikni qisqartirish: Mahalladagi hokim yordamchisi tomonidan aholini kambag‘allikdan chiqarish, ularning daromad manbalarini yaratish va tadbirkorlikka jalb etish bo‘yicha amalga oshirilayotgan ishlar
samaradorligi tahlil qilindi. · Yoshlar siyosati va bandlik: Mahalla yoshlar yetakchisining faoliyati, yoshlar bandligini ta’minlash, ularning bo‘sh vaqtlarini mazmunli tashkil etish hamda yo‘naltirilayotgan ijtimoiy ko‘maklarning natijadorligi ko‘zdan kechirildi. Joriy etilgan mahallabay ishlash tizimining samaradorligini oshirish va aholi farovonligini ta’minlash borasidagi bu kabi nazorat tadbirlari tumaning boshqa hududlarida ham izchil davom etmoqda.