O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurash tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi PF-71-sonli Farmonining 2-ilovasi 11-bandiga asosan hamda navbatdagi sessiya kun tartibiga kiritilgan masala yuzasidan joriy yilning 11-aprel kuni joyiga chiqib o‘rganish ishlari olib borildi.

🏫 O‘rganish jarayonida aniqlanishicha, rasmiylashtirilgan hujjatlar, jumladan, umumta’lim maktab direktorlari va maktabgacha ta’lim tashkilotlari rahbarlari tomonidan korrupsiyaga qarshi kurashish yuzasidan taqdim etilgan kafolat xatlari bir xil shablon asosida tayyorlanib, faqat imzo qo‘yilgan holda rasmiylashtirilgan.

✍️ Vaholanki, har bir xodim va rahbar kafolat xatini qo‘l yozma shaklda tayyorlashi zarurligi ta’kidlandi. Ushbu kamchiliklarni bartaraf etish va 10 kun muddat ichida Kengashga axborot taqdim etish belgilandi.

📖 Shuningdek, tuman maktabgacha va maktab ta’limi bo‘limi boshlig‘i X. Mirkhodievga har chorak yakuni bo‘yicha keyingi oyning 10 sanasiga qadar belgilangan vazifalar ijrosi yuzasidan tuman Kengashiga ma’lumot taqdim etib borish, xodimlarning korrupsiyaga qarshi kurash sohasidagi huquqiy bilimi va malakasini oshirish, mutaxassislarni jalb qilish hamda ularni normativ-huquqiy hujjatlar bilan tanishtirib borish yuzasidan tegishli topshiriqlar berildi.

👩‍🏫 Mazkur o‘rganish ishlarini Xalq deputatlari Oqdaryo tumani Kengashi kotibiyati mudiri D. Adilova, tuman hokimi o'rinbosari B.Isahanov, tuman yuristkonsulti G‘. Abduhakimov hamda 16-Bobur saylov okrugi deputati A. Majidovlar tomonidan amalga oshirildi.