Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Respublikasi Prezidentining 2023-yil 21-dekabrdagi PF-209-son Farmoniga asosan tumanning “Istiqlol” mahallasiga biriktirilgan xotin-qizlar faoli A.Ustemirova faoliyati O‘zbekiston Xalq demokratik partiyasidan saylangan deputat Y.Xolmurotov tomonidan oʻrganildi.

O‘rganish jarayonida xotin-qizlar faoli tomonidan “Ayollar daftari”ga kiritilgan fuqarolar bilan olib borilayotgan ishlar, ularning bandligini ta’minlash, kasb-hunarga o‘qitish, ijtimoiy qo‘llab-quvvatlash choralarini tashkil etish hamda oilalardagi ijtimoiy-ma’naviy muhitni mustahkamlash borasida amalga oshirilayotgan tadbirlar ko‘rib chiqildi.

Deputat tomonidan yuritilayotgan hujjatlar, elektron platformalarga kiritilayotgan ma’lumotlarning haqqoniyligi, hamda belgilangan vazifalar ijrosi tahlil qilindi.