#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

ABDULLA QODIRIY MAHALLASIDA AHOLINING IJTIMOIY MUAMMOLARI VA DOLZARB MASALALAR O‘RGANILDI

🇺🇿 Xalq deputatlari Uchtepa tumani Kengashining "9-Jurjoniy" okrugi deputati, Kengash raisi Ismanov Jafar Xodjimuratovich tashabbusi bilan Abdulla Qodiriy mahallasida mavjud muammolar va aholini qiynayotgan masalalar yuzasidan navbatdagi o‘rganish olib borildi.

📇 Bugungi kunda mahallada 20 ta ko‘cha, 531 ta xonadon, 1 110 ta oila va 5 300 nafar fuqaro istiqomat qiladi. O‘rganish davomida ijtimoiy xodim bilan suhbatda 30 nafar fuqaro Ijtimoiy reyestrga kiritilgani, shundan 14 nafari davlat ta’minotida ekani ma’lum qilindi.

📁 Shuningdek, Tovallo ko‘chasi 42-uyda yashovchi A.Abdullayev, 1953-yilda tug‘ilgan I guruh nogironi bo‘lib, ko‘p yillardan buyon yotoq holatida ekani, zarur tibbiy xizmatlar ko‘rsatilayotganiga qaramay, Ijtimoiy reyestrga kiritilmagani muammo sifatida ko‘tarildi. Mazkur masala deputatlik nazoratiga olinib, mas’ullarga tegishli topshiriq va tavsiyalar berildi.

🤔 Bundan tashqari, mahalla idorasining kadastr hujjatlari bilan bog‘liq masalasi ham o‘rganilib, uni Kadastrlar palatasi tuman filiali bilan hamkorlikda hal etish belgilandi.

📂 O‘rganish tumani Kengashi deputatlarining 24 ta tavsiyaviy savolnomasi hamda Vazirlar Mahkamasining 2026-yil 29-yanvardagi 35-son qarorida belgilangan ijtimoiy himoyaga oid vazifalar ijrosi doirasida amalga oshirildi.

📈 Aniqlangan masalalarni hal etish va ijtimoiy himoyaga muhtoj fuqarolar bilan manzilli ishlash bo‘yicha tegishli vazifalar belgilandi.