SAYROB MAHALLASIDA «MAHALLA YETTILIGI» FAOLIYATI O‘RGANILDI

✅ Xalq deputatlari Boysun tuman Kengashi 20-Sayrob saylov okrugi deputati B.Vohidova tomonidan saylov okrugidagi «Sayrob» mahallasida «mahalla yettiligi» faoliyati o‘rganildi.

📌 O‘rganish davomida mahallada aholi bilan ishlash, ularning bandligini ta’minlash, kambag‘allikni qisqartirish, ijtimoiy himoyaga muhtoj oilalarni qo‘llab-quvvatlash, xotin-qizlar va yoshlar bilan manzilli ishlash yo‘nalishlarida amalga oshirilayotgan ishlar tahlil qilindi.

📊 Mahallada 4 045 nafar aholi istiqomat qiladi. Shundan 300 ta oila ijtimoiy reestrga, 20 ta oila Kambag‘allik reestriga kiritilgan. Mahallada 47 nafar ishsiz fuqaro mavjud bo‘lib, aholini tadbirkorlikka jalb qilish va daromad manbalarini kengaytirish bo‘yicha ishlarni kuchaytirish muhim vazifalardan biri ekani qayd etildi.

🤝 Shuningdek, mahallada hokim yordamchisi, xotin-qizlar faoli, yoshlar yetakchisi, profilaktika inspektori, ijtimoiy va soliq inspektori faoliyati, ularning o‘zaro hamkorligi hamda aholi muammolarini hal etishdagi ishtiroki o‘rganildi. Hujjatlarga ko‘ra, ijtimoiy xodim va soliq inspektori lavozimlari bo‘yicha vakant holat mavjudligi ham qayd etilgan.

📌 Mahallada 16 km ichki yo‘l, 3 ta ko‘prik mavjud bo‘lib, ularning ayrim qismlari ta’mirga muhtoj. Shuningdek, ichimlik suvi ta’minoti, elektr tarmoqlari va boshqa infratuzilma masalalari ham o‘rganildi.

✍✍✍ Deputat tomonidan aniqlangan masalalar yuzasidan mas’ullarga tegishli tavsiyalar berilib, «mahalla yettiligi» faoliyatini yanada samarali tashkil etish, aholi murojaatlarini manzilli o‘rganish va muammolarni joyida hal etish bo‘yicha vazifalar belgilab olindi.