Kutubxonachi tomonidan axborot-kutubxona markazidagi mavjud kompyuter texnikalari eskirgani va ayrimlaridan foydalanishda qiyinchiliklar mavjudligi bildirildi. Mazkur muammoni bartaraf etish maqsadida kutubxonani zamonaviy kompyuterlar va zarur texnik vositalar bilan ta’minlash zarurligi qayd etildi.

Mazkur murojaat saylovchilar muammolarini ro‘yxatga olish kitobiga belgilangan tartibda qayd etildi. Aniqlangan muammoni tegishli tashkilotlar bilan hamkorlikda o‘rganish, uni ijobiy hal etish yuzasidan amaliy choralar ko‘rish hamda murojaat ijrosini nazoratga olish belgilandi. Muammoning yechimi bo‘yicha amalga oshirilgan ishlar natijasi yuzasidan kutubxonachiga ma’lumot berilishi ta’kidlandi.