Xalq deputatlari Paxtakor tumani Kengashining yettinchi chaqiriq 27-sessiyasida deputatlik so‘rovlariga mas’uliyatsiz yondashuv holatlari tanqidiy muhokama qilindi.

Sessiyada 3-Navbahor saylov okrugi deputati, Reglament va deputatlik odob-axloqi masalalari bo‘yicha doimiy komissiya raisi Sh.Mirzayev tomonidan 2026-yil 1-choragida deputatlar tomonidan yuborilgan deputat so‘rovlariga javob berish holati yuzasidan hisobot taqdim etildi.

Unda ayrim tashkilotlar deputat so‘rovlariga belgilangan muddatlarda javob bermayotgani, ayrim javoblar esa yuzaki va aniq yechimlarsiz yuborilayotgani tanqid qilindi.

Sessiya davomida mutasaddi tashkilotlarga deputat so‘rovlariga mas’uliyat bilan yondashish, murojaatlarga o‘z vaqtida va asoslantirilgan javob taqdim etish yuzasidan tegishli tavsiyalar berildi.

Slide 1 of 1