Xalq bilan ochiq muloqot — ustuvor vazifa 

Xalq deputatlari Qo‘shko‘pir tuman Kengashi deputati A. Erkinov Bekobod
mahallasi fuqarolar yig‘ini binosida navbatdagi sayyor fuqarolar qabulini
o‘tkazdi. Unda aholini qiynayotgan dolzarb masalalar, ijtimoiy muammolar hamda
hudud infratuzilmasini yaxshilashga oid murojaatlar tinglandi. 

Qabul davomida fuqarolar bandlik, kommunal xizmatlar, ijtimoiy
qo‘llab-quvvatlash va boshqa yo‘nalishlardagi muammolari yuzasidan o‘z taklif
hamda murojaatlarini bildirdilar. Deputat har bir murojaatni atroflicha
o‘rganib chiqib, ularni qonuniy hal etish bo‘yicha tegishli tashkilotlarga
yuborilishini ma’lum qildi. 

Ta’kidlanganidek,
xalq bilan doimiy muloqot qilish, fuqarolar manfaatlarini himoya etish va
hududdagi mavjud muammolarni tizimli bartaraf etish deputatlik faoliyatining
ustuvor yo‘nalishlaridan biri hisoblanadi. Qabul
jarayonida murojaatchilarga huquqiy tushuntirish va amaliy maslahatlar ham
berildi.