#tabrik

Xalq demokratik partiyasi Buxoro viloyat Kengashi tashabbusi bilan 27-iyun — Ommaviy axborot vositalari xodimlari kuni munosabati bilan Kogon shahar hokimligi Matbuot xizmati rahbari M. Narzilloyev hamda Kogon shahar Kengashi Axborot xizmati xodimi Z. Temirovalar tashakkurnoma bilan taqdirlandi.

Mazkur sana ommaviy axborot vositalari sohasida faoliyat yuritayotgan xodimlarning mehnatini e’tirof etish, ularning jamiyat hayotidagi o‘rni va ahamiyatini yanada oshirishga xizmat qilishi bilan alohida ahamiyat kasb etadi. Axborot xizmatlari vakillari tomonidan hududdagi islohotlar, yangiliklar hamda ijtimoiy-iqtisodiy jarayonlarni keng jamoatchilikka tezkor va xolis yetkazish borasida amalga oshirilayotgan ishlar yuqori baholandi.

Taqdirlash jarayonida M. Narzilloyev va Z. Temirovalarning sohadagi faolligi, tashabbuskorligi hamda axborot almashinuvidagi samarali faoliyati alohida e’tirof etildi. Kelgusida ham ochiqlik va shaffoflikni ta’minlash, aholiga ishonchli va tezkor ma’lumot yetkazish yo‘lidagi ishlarni davom ettirish muhimligi ta’kidlandi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash