# 19/1 – moddasi bo‘yicha o‘rganish

🏛 XALQ DEPUTATLARI QO‘SHKO‘PIR TUMANI KENGASHI
💧 SUV RESURSLARIDAN OQILONA FOYDALANISH — DOLZARB VAZIFA!
📌 Xalq deputatlari Qo‘shko‘pir tumani Kengashining 2026-yilga mo‘ljallangan ish rejasiga muvofiq, tuman suv xo‘jaligi tashkiloti rahbarining joriy yil 3-choragida amalga oshirilgan ishlari yuzasidan hisoboti navbatdagi sessiya kun tartibiga kiritilishi belgilangan.
🌱 Hisobotda quyidagi muhim yo‘nalishlar qamrab olinadi:
🔹 Suv resurslarini boshqarish va ulardan samarali foydalanish;
🔹 Suv xo‘jaligi obyektlarining texnik holatini yaxshilash;
🔹 Suv tejovchi sug‘orish texnologiyalarini joriy etish holati.
📝 Mazkur masala sessiya kun tartibiga kiritilishidan oldin Xalq deputatlari Qo‘shko‘pir tumani Kengashining Agrar, suv xo‘jaligi va ekologiya masalalari bo‘yicha doimiy komissiyasida ko‘rib chiqiladi.
📄 Shu munosabat bilan, Qo‘shko‘pir tuman suv yetkazib berish xizmati davlat muassasasi direktori X.Valiyevdan doimiy komissiya hamda navbatdagi sessiyada hisobot berish, shuningdek, hisobot va qaror loyihasini tayyorlash uchun zarur hujjatlarni Kengash kotibiyatiga 5 kun muddatda taqdim etish so‘raldi.
🌿 Maqsad — suv resurslaridan oqilona foydalanish, suv xo‘jaligi infratuzilmasini takomillashtirish va tumanda suv tejovchi texnologiyalarni keng joriy etish masalalarini deputatlik nazorati asosida ko‘rib chiqish.