Hududlarda aholi bandligini ta’minlash, barqaror ish o‘rinlarini yaratish va fuqarolar daromadlarini oshirishga qaratilgan chora-tadbirlarning ijrosi deputatlik nazorati tartibida o‘rganilmoqda.

O‘zbekiston Respublikasi Prezidentining PQ–406-son qarori, Oliy Majlis Senati Kengashining KQ–35-V-son qarori hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya ijrosi doirasida Xalq deputatlari Marg‘ilon shahar Kengashining 6-Xo‘japorso saylov okrugida navbatdagi o‘rganish ishlari olib borildi.

Okrug deputati G‘.Madumarov tomonidan Xo‘japorso mahallasida o‘tkazilgan o‘rganish davomida O‘zbekiston Respublikasi Prezidentining “Barqaror ish o‘rinlarini yaratish va kichik biznesni jadal rivojlantirish orqali aholi daromadlarini oshirish chora-tadbirlari to‘g‘risida”gi PF–193-son Farmonida belgilangan vazifalarning mahalla darajasidagi ijrosiga e’tibor qaratildi.

Xususan, mahallada yangi ish o‘rinlarini yaratish, aholini doimiy daromad manbai bilan ta’minlash, bandlikni oshirish hamda kichik biznesni rivojlantirish borasida amalga oshirilayotgan ishlar ko‘rib chiqildi.

O‘rganish jarayonida mazkur yo‘nalishdagi vazifalarning ijrosi, mavjud imkoniyatlardan samarali foydalanish va belgilangan chora-tadbirlarning natijadorligini ta’minlash masalalari deputatlik nazorati nuqtayi nazaridan ko‘rib chiqildi.

Aholi bandligini ta’minlash va daromadlarini oshirishga qaratilgan vazifalar ijrosini muntazam kuzatib borish, mahallalarda mavjud imkoniyatlarni ishga solish hamda belgilangan chora-tadbirlarning amaliy natijasini ta’minlash deputatlik nazoratining muhim yo‘nalishlaridan biri hisoblanadi.

Mazkur yo‘nalishdagi o‘rganishlar hududlarda davom ettiriladi.