Xalq deputatlari viloyat Kengashi deputati G.Bobojonova, tuman Kengashi deputati J.Ismonova hamda Kengash kotibiyati bosh mutaxassisi G.Abduvositovalar ishtirokida tumandagi Axborot-kutubxona markazining faoliyati o‘rganildi. O‘rganish davomida markazning bugungi faoliyati, kitobxonlarga yaratilayotgan sharoitlar, mavjud adabiyotlar fondi hamda aholiga axborot-kutubxona xizmatlarini ko‘rsatish holati bilan tanishildi. Shuningdek, markaz xodimlari bilan suhbat o‘tkazilib, ularning ish jarayonidagi muammo va takliflari tinglandi. Aniqlangan masalalarni bartaraf etish, markaz faoliyatini yanada takomillashtirish va aholiga sifatli xizmat ko‘rsatish yuzasidan fikr-mulohazalar bildirildi.