Budjet mablag‘laridan samarali va maqsadli foydalanish masalalari o‘rganildi

Xalq deputatlari Qo‘shko‘pir tumani Kengashi kotibiyati bosh mutaxassisi S. Matyaqubova hamda tuman Kengashi deputati A. Erkinov tomonidan Xalq deputatlari Qo‘shko‘pir tumani Kengashining Yettinchi chaqiriq o‘ttiz beshinchi sessiyasi kun tartibiga kiritilgan masalalar yuzasidan sessiya oldi o‘rganish o‘tkazildi.
O‘rganish davomida Qo‘shko‘pir tumani “Infratuzilma va ijtimoiy barqarorlik” jamg‘armasi hisobidan mablag‘ ajratish to‘g‘risida hamda Qo‘shko‘pir tumani mahalliy budjetining 2026-yil 1–3-choragida shakllangan qo‘shimcha manbalari hisobidan mablag‘larni yo‘naltirish to‘g‘risidagi masalalar atroflicha tahlil qilindi.
Jumladan, mablag‘larni yo‘naltirishning qonuniyligi va maqsadga muvofiqligi, hududning ijtimoiy-iqtisodiy rivojlanishiga ta’siri, aholi uchun muhim bo‘lgan muammolarni bartaraf etishga qaratilganligi hamda ajratilayotgan mablag‘lardan samarali va manzilli foydalanish masalalariga alohida e’tibor qaratildi.
Shuningdek, sessiyada ko‘rib chiqiladigan mazkur masalalar bo‘yicha mas’ul tashkilotlar tomonidan amalga oshirilishi lozim bo‘lgan vazifalar, mablag‘larning belgilangan maqsadlarga muvofiq sarflanishi va ijrosi ustidan deputatlik nazoratini ta’minlash yuzasidan tegishli takliflar shakllantirildi.